朱璇亂摷豪放尋兇
藝人馬德鐘、朱璇、呂慧儀、李亞男等昨日出席明珠台美劇《門屠》宣傳活動，眾女在台上大玩遊戲，要在5個戴面具男子之中估出誰是兇手，朱璇及呂慧儀玩得興起，揭開男疑犯上衣查看身上紋身，朱璇更將紙板塞入一名男子的衫內，十分豪放。而同是華姐出身的朱璇和李亞男以半鹹半淡廣東話介紹新劇時笑料百出，先有李亞男將「大難不死」講成「死難不死」，而朱璇亦將「氹氹轉」說成「嘟嘟轉」，十分搞笑。
睇金剛學廣東話
對於來港多時都咬字不清，李亞男解釋：「男友（王祖藍）有糾正我發音，不過就冇教我四字詞語。」而朱璇就表示有看電視學廣東話，但就笑言是看金剛主持的《街坊廚神》：「所以冇進步，我哋係外星（省）人有時唔係幾聽得到啲音。（講唔正，拍劇會被人鬧？）咁要大家睇字幕，再唔得就say sorry，畀個話題人哋鬧吓我都幾開心。」而李亞男就取笑她：「焗住人哋睇完又睇。」
馬德鐘將拍續集
馬德鐘就透露6月底將返無綫拍《飛虎》續集：「要上橫店拍套劇先。（擔心疫情？）都擔心o架，我之前喺機場vip房食嘢，食完有少少喉嚨痛，所以都要戴口罩，費事傳染人。」有指燕窩都可傳病，問到他平時有否食燕窩養顏時，他表示自己跟太太都沒食：「我哋平時都係食啲比較天然嘅嘢，之前肉類都係食雞肉多，不過依家連雞都唔食得。」
文：影視組