祖兒 遠離家禽 麥皮抗疫
英皇昨日舉行星級運動會，帶病上陣的容祖兒自言為抗禽流感而勤洗手，慘令玉手變「鞋」，伸手任摸卻無人敢碰。下周到上海工作的她，又自爆防疫妙法，就是帶麥皮傍身，不掂雞鴨鵝，一於減肥防疫兩者兼得。
英皇集團主席楊受成偕太太陸小曼、兒子楊政龍、女兒楊諾思等，率領一眾員工及藝人出席「英皇慈善顯動力陸運會2013」。
樂壇天后容祖兒帶病在身，並透露下星期會到H7N9禽流感災區上海工作，並自備「防疫秘方」：「我帶定啲麥皮上去，打算唔掂雞鴨鵝，當減肥！」勤洗手的祖兒又自幽一默說：「洗到對手好『鞋』，不過平時都已經好『鞋』。」問到有人拖手時有投訴？她更伸手着記者一摸玉手：「你哋摸吓！」雖然天后親自「出手」，可惜無人敢碰。提到與男友劉浩龍拍拖快一周年，可有慶祝活動？她說：「唔使啦，唔講呢啲嘢。」
祖兒大讚黃秋生加盟後令英皇陣容強大，但帶醋意隔空向經理人霍汶希（Mani）說：「會分薄咗Mani對我哋嘅關懷。希望簽多個Mani番嚟，或者複製佢。不過唔使理我，我識照顧自己。」當兩姊妹在運動場碰面時，Mani肉緊攬實祖兒，祖兒更大叫笑言：「都叫你唔使理我！」場面搞笑。
阿Sa練水被推
最近在內地跳水節目成功晉級的阿Sa自爆在練水被教練強行推落水：「我當時真係嚇親，唔敢再做同一個動作，我唔係一個易喊嘅人都喊咗出嚟！（男友陳偉霆安慰？）唔使啦！」她又力撐在另一節目跳水失誤時撻生魚的李彩華：「我練習時都成日撻生魚，明白係痛到好似心口畀人踢一腳。」
Yumiko未諗儲卵
而鄭希怡（Yumiko）大讚快做人父的陳小春變「鵪鶉」照顧太太，更樂意做契媽。她自爆未有生育計劃，問到會考慮「儲卵」？她笑言：「我粒嘢仲好靚，都係婚後再算。」
音樂組