官恩娜跳車避仔

官恩娜（Ella）昨日以透視白紗長裙出席慈善活動，呼籲大觀眾要多做慈善，她又和一班小朋友落手落腳做勞作，盡顯愛心。愛心爆燈的Ella直言愛和小朋友相處：「小朋友好真摯，同佢哋玩可以減壓。」談到與人相處，Ella自爆以前是「小宅女」一名：「我細個好自閉，有親戚嚟我屋企，我都會匿埋，去到中四、五先識同朋友去街，都唔明點解大個會做咗歌手。」
官恩娜自爆年少時是宅女。
官恩娜自爆年少時是宅女。

Ella表示當年到英國留學，令到她學識獨立以及與人相處，問到是否因此而吸引裙下之臣追求？她笑說：「唔關事，都有男仔追我，不過試過有男仔話車我去睇風景，令我好驚，要跳車逃走。」

官恩娜與一班小朋友齊做勞作。
  • 官恩娜與一班小朋友齊做勞作。