谷胸Naomi拐杖助搶鏡

o靚模Naomi（馮鎵瀠）、黃榕、王璐瑤（Lulu）及白雲等前晚現身酒吧派對鬥晒事業線，曾與Lulu傳緋聞的謝天華臨時甩底，未知是否刻意避席。黃榕穿上低胸露腰熱褲殺敵，卻不及手拿拐杖的Naomi搶鏡。Naomi自爆在墾丁賽車為避開黃榕撞欄，觸傷氣門及小腿血管組織，但其男性損友只關心她有否爆胸。Naomi不忘與黃榕齊暗寸Cammi（謝芷蕙）僭建：「我全屬自身脂肪，唔似Ｃ字頭（Cammi）嗰個裝矽袋！男友冇一齊去，暫時未畀佢驗胸。依家跳唔到舞要推大陸登台，唔知使唔使賠錢。」與她曾傳緋聞的李思捷周四生日，她曾傳訊息送祝福，卻未獲回覆。黃榕被Naomi埋怨在她出事後還在笑，她說：「唔關我事！係佢揸得太快，但我知佢唔係『Ｃ字頭』，唔使驚爆胸。」