JM性感Very骨
楊千嬅及Janice Man昨夜性感出席頒獎禮，但兩人上圍Cup數不大，所以不夠睇頭，千嬅拖着老公丁子高進場，她卻頻頻手按心口，她說：「好驚走光呀！我身形唔夠3Ｄ，又冇胸。」另千嬅昨午出席電台節目時談到剛切除纖維瘤：「開咗兩次刀，人比較虛弱，我佗住Torres時已發現，本來唔係咁大件事，只係我數量比較多同size大，醫生話處理咗會好啲，對生BB都好。（丁子高想生馬年BB？）話有就有咩？嗰時我計晒排卵期都唔得，諗住唔生點知又有，所以生仔冇得計o架！」
此外，Janice Man穿上中門大開的性感裙，除露出nude bra外，只得「排骨」，她解釋：「我好少咁着，（點解冇嘢睇？）可能我近排瘦咗啦！（情困搞到消瘦？）唔係，係我食無定時，我依家生活得好開心吖！」
Janice Man
件衫幾靚，設計好特別，今年好興嘅款，雖然係2D（平胸）效果，但大胸反而唔好睇，佢着上身凸顯另一類型格，carry得好好，但敗筆係冇將頭髮束起，佢頭髮太長，完全遮咗大露背。