林穎彤新任女神 樂做BB
無綫小花林穎彤（Bella）近日為遊戲節目擔任主持，經常試玩遊戲的她卻自認雞手鴨腳，經常打爛嘢，不過這亦無損網民心中的形象，她憑甜美外表成為了網民的熱捧女神。而Bella對此雖然受寵若驚，不過卻笑言：「歡迎大家叫我『Bella BB』！」
林穎彤（Bella）雖然年紀輕輕，不過演藝經驗豐富，現時更集拍劇與做主持於一身。但提到近期工作，這就不得不說她與李克勤及黃心穎合作拍攝綜藝節目《決戰一分鐘》，因這是她首次主持遊戲大騷，故她對這機會分外珍惜，她說：「本來監製淨係諗住叫我同心穎拍節目宣傳片，但後來佢都擺咗我哋落節目度，所以好開心可以現場睇啲參賽者玩遊戲，感受緊張氣氛！」
讚心穎拿手
雖然Bella已試玩過無數遊戲，不過她亦自認雞手鴨腳，還經常打爛東西，她說：「我玩遊戲唔算最在行，反而心穎玩遊戲就比較拿手，而我玩得最好係「拋鉛筆」或者「揸筷子疊唇膏」！不過有次試過用反轉嘅餐盤去捧雞蛋，但我就打爛咗幾隻，雖然我冇畀掃地阿嬸鬧，但反而令我更驚！」
花名波波B
此外，隨着Bella的曝光率愈高，她亦成為了網民的焦點，更曾被網民捧為女神，不過她對此卻受寵若驚：「我唔覺得我係女神，我嘅女神係嘉欣BB（鍾嘉欣）!」但問她會否介意網民叫她「Bella BB」時，她即打趣說：「我唔介意呀，因為我阿媽叫我阿B，我個花名叫波波B，因為我好鍾意玩波波，個頭又圓碌碌，所以我英文名都係個B字，亦都好歡迎大家叫我Bella BB！」
採訪：專案組
攝影：李廣成
場地：金喜餐廳