蔚雨芯裝聾扮啞 靜默起殺機

蔚雨芯（Rainky）及女子組合Super Girls成員李靜儀（Heidi）同為去年樂壇新人，最近齊齊進軍影圈，更即時上位擔正演出女主角，令兩位影壇新人既驚且喜。首次拍電影就做女主角的Rainky更要向高難度挑戰，飾演一名聾啞人士，她說：「其實之前係Casting做大小姐嘅角色，但導演話覺得我講嘢時有微表情，所以就安排咗我做呢個角色。」身為影壇新人，Rainky為此更下足苦功，參考了不少有聾啞人士角色的作品，她透露：「我演嘅角色都幾爆，之後仲會殺人添！」

Heidi反叛險家變

Heidi為電影亦作出了大犧牲，本身不食煙的她要飾演反叛少女的角色，結果要偷偷在家練習食煙，她說：「我本身氣管唔係幾好，從來冇食過煙，但導演講角色要食煙，所以我就偷偷喺屋企練習，如果係出面畀人見到就唔係咁好。」Heidi更自爆此事險釀成「家庭糾紛」，她表示：「我喺屋企偷偷食煙，結果畀媽咪發現，佢好嬲係咁鬧，但好彩同佢解釋咗先冇事咋！」今次兩人合演2013年的新版《o靚妹仔》，更會與當年主角溫碧霞合演，Rainky激讚說：「佢好靚，Keep得好好，溫柔到電死我。」

兩位影壇新人擔正女主角，務求令大家有耳目一新感覺！	Heidi為拍戲而練習做煙民，豈料差點造成家變。	右起：Heidi與Rainky與溫碧霞兩代o靚妹仔共首一堂。

文：專案組

攝：沈健程