劉家輝太太絕地反擊
劉家輝第二任泰籍太太馬飛鳳日前接受專訪，對於近年不少負面抨擊，她逐一反擊，如有傳家輝仔女撬地板、拆櫃摷錢，只是她與兒子合力裝修屋企迎接家輝康復回家，為了省回數千元而自製佛台供奉家輝祖先，與傳聞貪錢的負面形象，大相逕庭！
武打演員劉家輝前年八月中風，需接受長期治療，可惜在家輝養病期間，是非不斷，大部分跟家輝第二任泰籍太太馬飛鳳與一對仔女冼峻龍、冼詠珊有關。
有報道指他們漠視家輝病情，一味要錢，甚至在家輝房間撬地板、撬櫃查看家輝有沒有財物留下。一直被傳聞「惡魔化」的家輝太太，終忍無可忍，日前在堅道屋企接受專訪逐一反駁，對於撬地板一事，她表示：「去年我返嚟香港，見到屋企因為潮濕，地板同牆都發霉，咁我就同個仔一齊整番好佢，詠珊（家輝細女）仲叫我要整到好似王宮咁靚，接皇帝（指劉家輝）返嚟，裝修竟然被人講成搗亂摷錢，真係好無奈。」
家輝屋企經劉太翻新後，牆身、地板都煥然一新，家輝太太更為節省幾千元而自製佛台，供奉家輝祖先。學佛多年的她揚言對近年多是非，一直覺得清者自清，但現時已忍無可忍，加上擔心家輝，所以要出來澄清：「曾經有傳聞話我喺家輝中風後要求離婚分身家，實際上，係家輝方面提出，我無要求要佢一分一毫，之後亦因對方交唔出家輝精神狀況嘅證明，最後大家決定暫緩離婚，所以依家我依然係劉家輝太太！」
渴望見家輝
對於家輝助手Eva自從今年一月不再是委託人後，有傳家輝先後發生抽筋、斷骨等事情。昨更有消息指家輝意氣消沉得瘦骨嶙峋，並已立下遺囑，對此，劉太很擔心家輝：「佢見唔到一對仔女梗係好唔開心，我哋做咗好多嘢都係希望一對仔女能夠同佢見面，但一直都無回音，究竟發生乜嘢事？我哋都好擔心！（有指佢立遺囑？）我依家只係想一對仔女見到佢，其他嘢唔會理住！」
文：影視組