蕭正楠哨牙失控口水噴陳茵媺
陳茵媺與蕭正楠最近再結劇緣，面對哨牙look兼不停噴口水的蕭正楠，陳茵媺要忍笑一臉認真唸對白，絕對是演技大挑戰。她不諱言開拍頭一星期均要(目及)實對方嘴唇，憑口形判斷對方唸對白，粉臉更被對方口水狂噴，認真難忘。
繼《法證先鋒Ⅲ》及《天梯》後，陳茵媺（Aimee）與蕭正楠（Edwin）再於新劇《仁心解碼Ⅱ》合作。猶記得《法》劇Aimee為愛犧牲性命，如今兩人終可於《仁》劇延續這段愛情。今次他們由歡喜冤家變情侶，理應駕輕就熟，不過卻同聲表示角色甚有難度。
忍笑好辛苦
飾心理學家的Aimee，為免再重複《法》劇滿口英文的竹升妹，今次語調方面特別作出調整。她謂：「今次想成熟啲，仲會講好多中文，所以都要記同知個意思。難處係平時自己有好多小動作，講嘢快同夾雜英文，今次專登冇尾音同硬啲，想畀觀眾另一個感覺，除非有啲terms一定要講英文。」
拍攝前Aimee閱讀不少心理書及電影，由於她同時要演一名精神病患者，故處理情緒方面亦有調校。不過當面對Edwin的哨牙造型時，Aimee坦言忍笑非常辛苦：「頭一個星期要望住佢個嘴，好留心先聽到講咩，佢自己又未慣，都不知噴咗幾多次口水去我塊面度，但有時我要好認真，但某啲戲當做多幾次就做唔番個mood。」
進食有困難
Edwin於《仁》劇左右逢源，分別與Aimee及苟芸慧發生感情，不過一腳踏兩船當然沒好下場。他透露一場被兩女揭發繼而遭掌摑戲份，為求逼真，被兩女出盡力掌摑。他謂：「打咗兩巴再轉個圈，成塊面紅晒。」除了捱兩位美女之掌外，Edwin表示其哨牙造型亦甚有難度，因為戴牙套後聲線會不同，更會流口水，而牙套未必令每隻牙齒的位置剛好，故當牙齒磨擦時會流血！他說：「最慘係拍食嘢戲，食物都會攝住喺啲罅位，所以都只可以『輕咬』，幾辛苦o架！不過我好鍾意個角色。」
文：影視組
攝影：劉智源
場地：九龍香格里拉酒店
陳茵媺服裝：Sonia by Sonia Rykiel @ I.T
蕭正楠服裝：MR.COLLECTION