城城遇車手 飄移玩上癮
兩大影帝郭富城及張家輝近日聯手拍攝電影《同謀》，兩人早前接受有線娛樂台節目訪問互笠高帽。城城表示一直很欣賞家輝演技，家輝則大讚城城勤力兼懂得照顧對手感受。家輝說：「我哋經常喺後巷、後樓梯等污糟邋遢嘅地方拍攝。佢知道我好怕蛇蟲鼠蟻，會主動行先，又會邊行邊大力踏地，嚇走附近啲老鼠。」兩人首次合作擦出不少火花，家輝希望能與城城在其他不同題材的電影再度碰頭。
收藏多部辣跑的城城，拍攝時認識了一位玩飄移的世界級車手，城城乘機偷師。他說：「起初見嗰位車手用私家車玩飄移，之後佢喺有如垃圾車般大嘅大貨車上一樣照飄，認真厲害。所以我一有空檔就會搵佢教我飄移，佢又會教我哋做特技動作。」