溫碧霞母患腸癌心痛落淚

藝人溫碧霞、孫佳君、楊焉、蔚雨芯和許雅婷等，前晚出席電影《微交少女》的煞科宴，溫碧霞受訪時透露年屆91歲的母親患上腸癌，一度感觸落淚說：「都好後期。母親有病但自己幫唔到手，感覺好難受！但唔想畀媽咪見到我唔開心，我要積極啲。」她憶述年少時較反叛，曾離家出走令家人擔心：「家庭、事業我依家都擁有，明白親情嘅重要，要珍惜身邊人。」
楊焉（左）與性感上陣的蔚雨芯否認夾埋踢走賈曉晨。
楊焉（左）與性感上陣的蔚雨芯否認夾埋踢走賈曉晨。

同場被指踢走賈曉晨的楊焉、蔚雨芯齊否認傳聞，楊焉說：「我只喺老闆陳百祥屋企拜年見過佢一次。」近日頻騷「魔鬼胸」的蔚雨芯稱有今日成績是默默耕耘的成果，更坦言：「性感啲可引嚟焦點！」

溫碧霞談到母親患癌時強忍淚水。
  • 溫碧霞談到母親患癌時強忍淚水。