關淑怡將仔契畀志偉
曾與曾志偉傳緋聞的關淑怡昨晚到場，問她為何不帶囝囝前來？她說：「帶咗經理人嚟，唔明點解每次有志偉都講個仔，如果大家開心，契埋個仔畀志偉做契仔。（介意畀人講？）已經澄清，但大家成日講，只要大家開心冇所謂。（何不帶囝囝即場上契？）佢要返學。（囝囝送禮物？）佢點會知呀（指志偉生日）？」她並說他倆未見過面。
劉嘉玲昨晚壓軸現身，問到送禮物，她笑言人到已經好好：「之前已經同志偉去玩咗好多次。佢喺我心目中係個羅漢，我有乜諗唔通佢可以幫我順番。（有咩唔順？）我唔可以學志偉咁，飲醉不顧身世打橫畀人抬出嚟，我好顧形象。」嘉玲又讚志偉於圈中幫過不少人，猶如天地線，又有魅力，可惜未再有機會合作。問嘉玲60歲時會否像志偉般大搞？她說：「希望可以長命到咁，會大搞。」
