青霞拖張天愛孖媽撐女
張天愛與林青霞先後嫁給富商邢李（火原），前者女兒邢嘉倩創立的幼兒教育中心昨日揭幕，獲兩位母親到場祝賀，青霞與張天愛甫見面即熱情擁抱兼親面，更十指緊扣，表現融洽，風騷的青霞坦言與邢嘉倩「親過親生」。
富商邢李（火原）與張天愛的女兒邢嘉倩創立的幼兒教育中心Bebegarten昨日開幕，生母張天愛與公公張有興到場支持，而繼母林青霞也專程捧場，兩位「孖媽」見面即拖晒手密密傾兼熱情擁抱，惟刑李（火原）未有現身，嘉倩則解釋爸爸不在港而未能出席。同場還有霍震霆兒子霍啟山、林子祥、王敏德一家、鄧永鏘女兒鄧愛嘉等，場面熱鬧。
姍姍來遲的林青霞雖然息影多年，但舉手投足風采依然，入場時更獲嘉倩拖住，青霞直言為嘉倩感到驕傲：「佢得幾歲時同我喺床上傾偈，已經話想開幼稚園，所以我好鼓勵佢，佢好叻，間學校似模似樣。其實我冇乜畀意見佢，只係有時佢話有壓力、有心事，我就開解佢，我好幸運，佢會成日同我傾心事，比親生更親。（親過佢同張天愛？）唔好咁講。」
灌輸社交重要性
至於張天愛同樣對嘉倩引以為傲，她稱讚女兒有遠見：「好多嘢唔係淨係我教佢，我都將父母教我嘅嘢話畀佢聽，人要讀書，社交亦好重要。（金錢上支持佢？）唔需要，好多嘢佢自己搞掂，全部都係佢鞏固番嚟，佢爸爸都畀咗好多意見佢，我哋嘅角色係畀錢畀機會，之後靠佢自己做。」不過當問到她另一位前夫胡漢清與胡母之間的紛爭，以及有否問候胡母時，張天愛即急急走人：「我唔講，我走喇！」
獲兩位母親讚不絕口的邢嘉倩，透露學校籌備了兩年，母親（張天愛）給予不少意見：「我想做教育工作想咗好多年，間學校好似我Baby。（投資幾多？）未計，媽咪教我要好似公公咁，對香港教育有貢獻，我兩個爸爸（邢李（火原）及羅素）同兩個媽媽（張天愛及林青霞）仲有公公都有畀好多意見我。」
文：名人組