張暖雅以吊帶豹紋短裙出席漫畫家林祥焜作品展，例牌拋出「E奶」引龍友喪影。早前被本報踢爆往日本整容的她，臉頰已見收腫，令間尺鼻凸顯，她死撐說：「之前瘦咗20磅，脫水先顯得個鼻尖，但我唔鍾意依家個樣，太瘦喇！（再整過？）我想皮膚白啲同個人高啲，但醫生話好難整，整牙又太貴。我老闆鍾意范冰冰，整到佢咁都幾好喎！」她直言要預留一半身家力保青春，繼續以百變外表及「E奶」搵食。
