沈震軒出席首次Fans Club聚會，他表示想下周去佛山拍劇前跟粉絲見面，談到禽流感肆虐，他說：「好驚，我身子弱，會食定啲維他命，做足預防措施。」有份提名今屆金像獎「最佳新人獎」的他因曾參與過多部戲而被質疑資格，他澄清：「咁講其實好多人都唔合資格，因為我係TVB訓練班出身，之前公司都有叫我做過好多跑龍套角色，不過《喜愛夜蒲2》係我首個有正式角色嘅戲。（有信心攞獎？）盡力啦，希望當晚靚仔啲，想攞『最佳衣着獎』！」
