法拉懶理續約閒遊老銅
無綫當家花旦實在是買少見少，繼佘詩曼不續約後，今次輪到陳法拉，有傳她五月約滿後有意離巢，即使無綫開出八位數字挽留條件，法拉也未有決定，還計劃到美國進修演藝課程，法拉昨日回應說：「依家大家傾緊，唔方便透露細節，遲啲再講，多謝關心。」
近年迅速冒起的法拉除了本身有實力外，還有感情穩定的Neway太子爺男友薛世恒作後盾，前日下午五時許，法拉與友人在銅鑼灣逛商場後，在商場外邊傾邊等車，未幾司機駕駛住七人車來到，法拉與友人抱抱後上車離去。
無綫高層樂易玲昨就法拉續約無綫一事稱：「公司一早已跟法拉傾續約，幾多錢當然係商業秘密，但係一個合理價錢，我有信心法拉會續約，但佢一定要履行咗美國個課程先，三個月啫，加上大家都要諗用個乜嘢方式合作，有好多嘢要考慮。」