陳展鵬真心祝福舊愛
對於姚嘉雯結婚，身為前度男友陳展鵬日前現身機場，並表現平淡祝舊愛幸福快樂，但亦未有出席其婚宴。展鵬與嘉雯曾經拍拖三年，後來男方過檔無綫，二人便感情冷卻而分手，如今舊愛結婚，展鵬亦稱從記者口中得知而已：「你哋講先知佢結婚，當然恭喜佢，祝佢幸福快樂。（真心祝福佢？）絕對會（請你飲去嗎？）唔會啦！我諗人哋有另一個家庭，我哋又分開咗，呢啲都係少提為妙，總之大家係好朋友，（你感情生活又如何？）隨緣啦！」
展鵬此行到吉隆坡將留一個月，為音樂大師顧嘉煇演出兩場音樂騷外，還會為無綫新劇《單戀雙城》拍外景，當日他更有十名粉絲送機，見他帶備高爾夫球裝備前往，展鵬說：「可以閒餘嚟個Break，約嗰邊朋友打Golf！」