姚嘉雯秘嫁西安富商
曾經與陳展鵬拍拖的前亞姐冠軍姚嘉雯原來上年已經秘密結婚，去年已下嫁內地姓李地產商人，日前兩人在西安擺喜酒款待親友，婚訊終於曝光。姚嘉雯接受電話訪問表示：「我哋上年已經註冊，本來諗住唔擺酒，但係家人想我哋擺酒，所以今年補擺喜酒。」
現年28歲的2008年亞洲小姐冠軍姚嘉雯（原名姚佳雯）原來上年已經在內地與31歲的姓李地產商人秘密註冊結婚，兩人刻意低調婚訊，一直未有向外間報喜，直到日前兩人在西安應家長要求補擺喜酒，婚訊才曝光。由於雙方親友眾多，男女家分別在西安設宴款待親友，男家大排筵席六十多圍，女家則設宴二十多圍招呼親友。
身在西安的姚嘉雯接受電話訪問被問到突然結婚？她說：「其實唔係突然，我哋已經拍咗拖年半，大家覺得好投契，上年已經註咗冊結婚，我哋都怕麻煩，本來想低調啲只係簽紙結婚，諗住唔擺酒，但係雙方家人都想我哋擺酒，所以今年先補擺喜酒，請咗戚黛黛。」
暫未度蜜月
姚嘉雯一直夢想在「三十大關」前出嫁，現在終於在28歲如願以償，最難忘是老公放煙花求婚，她笑說：「佢上年特登準備咗煙花求婚，一邊放煙花一邊求婚，都好浪漫感動，不過，我就笑佢乜咁似電影情節嘅，係咪抄人o架？哈哈。」問姚嘉雯婚後有沒有度蜜月？她說：「都冇話特別想去邊，佢做嘢都好忙，暫時都未有時間。」
嫁得如意郎君的姚嘉雯會否疊埋心水做少奶奶？她說：「唔會，我都仲好鍾意做嘢，嚟緊都會為亞視拍攝節目。」
文：影視組