詩詩傷腳腫似雞蛋
甄子丹太太汪詩詩日前不慎在上海弄傷腳，難得她還忍痛穿高跟鞋出席Dior活動，認真專業。詩詩表示當日在樓梯仆倒，痛得她即時大叫：「痛到好似斷咗腳咁，圓圓（詩詩胞妹）見到咁都叫我唔好去活動，但我諗品牌已經安排好晒，所以最後都着住高踭鞋去會場。因為我條裙太長，如果唔着高踭鞋就撐唔起條裙。」
她笑言當日在活動上見到老公的電影拍檔章子怡、舒淇及孫儷，開心得把痛楚拋諸腦後。
不過當晚她卻痛到失眠，她說：「隻腳第二日腫到好似雞蛋咁大，我冇去睇醫生，因為我知道自己冇整傷腳骨，我買咗拐杖，酒店本來話要借輪椅畀我坐，但我唔想太誇張。囝囝見到支拐杖覺得好好奇，仲用嚟扮機關槍掃射，好搞笑。」