陳婉珍只要克羣錫超蓮

賭王何鴻燊三太陳婉珍昨早出席東華三院董事局就職典禮，接棒成為新一屆董事局主席，晚上換上另一襲紅色Valentino晚裝出席董事局聯歡晚宴，大女何超雲整日都有出席撐場支持媽咪，而龍鳳胎何超蓮和何猷啟則身在外地，未能出席。對於超蓮與台灣型男吳克羣被本報踢爆結伴到馬爾代夫蜜遊而傳緋聞，三太昨大方表態支持超蓮拍拖：「等佢哋自己發展，（你對佢哋拍拖OK？）大個女要拍拖o架啦，（做你女婿有乜條件？）為人要敦厚，最重要錫我個女，（見過吳克羣真人未？）未見過真人，（聽過佢啲歌？）女有畀我聽，都幾好。」問到超雲會否任總理時？三太認為女兒年紀還小。
陳婉珍不反對超蓮戀克羣。
陳婉珍不反對超蓮戀克羣。

其後到場的何超雲，未見男友陳山聰陪同，對屢傳婚訊，問到今年會否與男友拉埋天窗？她說：「每年都咁答，但冇新進展，（有冇諗結婚？）冇諗，其實我好細個，你哋唔好咁啦！（山聰同你少咗出席活動？）唔！我哋都耐咗啦，（你哋有冇問題？）冇問題，都係咁。」稱男友有自己工作，而自己經營的網站和時裝均沒有男友份兒。

何超雲單拖赴會，未見男友蹤影。
  • 何超雲單拖赴會，未見男友蹤影。