JJ聞小三爆粗拒絕再做

JJ入行至今，獲公司老闆陳百祥（叻哥）力捧，短短九年間成為一姐。早前JJ與「力王」樊少皇拍拖後，被指是男友小三時已經極度敏感，怎料JJ無論在電影或電視劇中多數飾演小三一角，令她感到不滿。前日JJ在微博發表「出走宣言」，她說：「謝謝叻哥，謝謝經理人文滌……無論現在事業上有多少新方向，新選擇，我都會更努力繼續向前走！」此留言一出，即引來大批網友留言詢問JJ去向，其中更有網友問她：「你怎麼老是接小三的戲？你這麼漂亮，不挑劇本嗎？」無名火起的JJ爆粗留言：「不接了！TNND（他奶奶的）」似乎要將「小三」這份怨氣透過網絡世界對外宣布！

男友是後備支柱

昨晚JJ以短髮示人出席拳賽記招，問到她在微博發表「出走宣言」，她表示前日正式完約：「大家合作咗咁多年，有好多講唔出嘅感受同失落，不過明白到試新嘢就要有進步。（叻哥無留你？）佢叫我自己決定，大家好似朋友，好信任對方。」盛傳楊焉（Carol）搶奪JJ一姐地位，JJ坦言唔關事，又透露多間公司找她接洽。問到她是否不滿飾演小三角色，她說：「有啲網友留言太過分，有時睇到好忟，第時揀角色都想揀番正面角色嚟做。之前做得太多小三，想平衡番。（做過幾多次小三？）無數次，不過好奇怪，做小三嗰陣爆啲，對上嗰次做《名媛望族》已經係第五次。有傳JJ無心戀戰收山嫁人，她坦言並不是真實，表示男友是她的「後備支柱」，JJ更冧爆甜笑表示男友曾叫她「唔使做」，不過她卻鍾意賺錢養自己。

早前隨阿叻到外地拍旅遊節目的楊焉（左），否認逼走JJ。（資料圖片）

JJ與樊少皇拍拖後，有指她對「小三」兩字極度敏感。

阿叻唔知她離巢

對於JJ宣布離巢，阿叻接受電話訪問表示並不清楚，他說：「藝人有自己嘅選擇，無話啱定錯，（佢有微言？）無，佢一直都好開心，可能女仔到咁上下都想嫁人，好似當年黃杏秀嫁畀我咪退休囉！（佢喺微博話不滿做小三喎！）係咩？唔覺喎！其實做藝人對於角色邊有鍾唔鍾意o架！」至於有指Carol加入二人傳出爭寵，他表示亳無關係。而經理人文滌坦言與JJ「好嚟好去」。對於JJ不滿做小三角色，他說：「其實公司都有幫佢篩選，（JJ好火爆？）都有啲，藝人總有忟憎嘅一面，不過走得嘅梗係有啲不滿，都會祝福佢！」而Carol坦言對JJ離巢並不知情，對於外界指她迫走JJ，她坦言沒有如此能力。至於舊愛沈震軒亦透露JJ曾為做「小三」不滿：「我同佢講做得專業就無問題。」

文：專案組