雪兒小狗當BB 未諗做媽咪

曾是人氣女星的雪兒自3年前結婚後，便定居新加坡，她解釋當時並非息影，只是跟隨老公生活而已。原來她跟另一半相識了9至10年，繼而拍拖4、5年，之後才決定結婚。提到二人識於微時，雪兒即笑言並不是大家想像般浪漫：「我哋都唔係好浪漫，但好了解對方，大家都好鍾意Travel，可以一齊去經歷。」問到求婚過程？她笑指老公不是拍戲，故求婚時並沒有誇張舉動，只是拿着戒指，很認真地說要跟她結婚。

爆母親暗催生

雖然已婚3年，不過雪兒甜絲絲表示與老公仍處於熱戀階段：「唔係老夫老妻，仲係好新鮮，好fall in love！（咁有冇生育計劃？）暫時未有，老公成日飛嚟飛去，我又跟住佢，生咗BB邊個照顧？（你媽咪有冇催你？）佢有時會話親戚啲BB好得意囉。」加上她現時跟母親同住，家中又養了三頭小狗，她直言狗仔已是她的BB。

三年前嫁人的雪兒，婚後定居新加坡。

雪兒在港時也會與丈夫拍拖出席活動。（資料圖片）

想拍動作喜劇

提到對現今香港娛樂圈的睇法，雪兒自有一番見解：「其實娛樂圈係always變緊，見到多咗中國artist出嚟，（好多女仔賣弄性感？）一啲啲啦，又唔係全部。（風氣唔好？）唔係唔好，只係唔合適我。」她又謂若然復出拍戲，老公也不會阻止，現時最想演繹一些開心角色：「做番自己囉，我想拍笑片，例如動作喜劇。」問到如果拍打戲受傷，老公可會心痛？她即哈哈大笑說：「唔會嘅，哈哈，都會好番o架啦，right？我抱屋企嗰三隻狗玩，有時畀佢哋抓到，或是舔得我多，我都會敏感，甚至腫晒，老公都無嘢，佢慣咗我『受傷』。」

化妝：Percy Chan@make-up centre

形象：Sarona Lo@Sarona Studio

服裝：Patrizia Pepe

採訪：名人組