李泳豪飄移封王靠阿媽

藝人李泳豪前日到佛山參加飄移挑戰賽,泳豪在所屬的組別憑精湛駕車技術成功撼贏十多位對手,勇奪冠軍!雖然泳豪參加過不少比賽,經驗十足,但他亦直言今次比賽,因天雨關係,確實有一定難度,他說:「因為比賽嗰日時雨時晴,去到最後四強嘅時候,正落緊毛毛雨,呢種天氣賽車最有難度,因為戴咗頭盔,唔知邊度會有水氹,會跣胎,所以較難掌握!」

練習時跣胎

泳豪直言在大前日練習時便曾遇過小意外,他表示:「曾經試過練習期間,因為落雨跣胎,喺車路上打白鴿轉,如果當時有其他車練習就會好容易有意外。」

至於前日贏了比賽,李泳豪原本想同車隊隊友慶祝,但因要趕回港最終未能成事。不過他會先跟母親施明慶祝:「我贏咗第一個打畀媽咪,因為媽咪喺我好細個嗰陣就已經培養我去愛上車,令我得到佢嘅遺傳,所以個獎係屬於佢嘅!」

文:影視組