關智斌狂賺人仔 恨買舖
英皇藝人關智斌近年積極在內地拍劇「搵人仔」之餘，亦希望置業作投資，並希望以師兄謝霆鋒般買舖位為目標，不過就明言：「價錢太貴我暫時未買得起。」
關智斌（Kenny）和鍾舒漫（Sherman）日前陪同老闆楊受成，一同到內地河北出席以老闆命名的「楊受成（中國．順平）關愛老年中心」啟用儀式，並探訪已經入住中心的一眾長者。
近年經常在內地拍劇的Kenny，曾打算在內地置業，但因聽聞手續繁複而打消念頭，改為希望仿傚師兄霆鋒般買舖，他說：「我有睇過，但價錢太貴我暫時未買得起。」因此Kenny表示要加倍努力拍劇，實踐夢想又笑言並不貪心﹕「我唔係要求好多，夠使夠食我就已經好滿足。」
長期留在內地拍劇的他，今年一口氣接拍三套內地劇集，但他有感父母年歲漸長，為多點時間陪伴父母，因此早前請全家到台灣旅行，他說﹕「都好幾年無成家一齊去玩，見到佢哋開心自己感覺都好開心，希望每年都可以同家人去外地散心。」
Sherman暑假出碟
至於Sherman正為新碟錄製Demo，她表示新碟中有五首自創作品，亦會和恭碩良合作，大碟暫定在七、八月暑假期間推出。受到老闆的行為感動下，Sherman透露除家人外，現在即使朋友間的長輩，自己亦開始主動關心，而且和他們人生閱歷豐富，從談話中已令自己獲益良多。
文：音樂組