樂瞳遊法險被摷
「宅男女神」樂瞳昨日以粉紅色短裙上陣出席商場復活節活動，席間和小朋友大玩遊戲和獻唱新歌《小心愛》，不過唱至末段時突然音響失靈，樂瞳惟有尷尬傻笑遮醜。近年都以拍劇為主的她表示今年將再攻樂壇：「今年會出碟，我有份演出嘅《情越海岸線》嚟緊5月會出，我喺入面做歌手，依家求緊監製喺劇中播自己啲歌。（爭取唱主題曲？）排吓隊先啦，今次公司搵咗謝安琪唱。」
休息２個月的樂瞳表示早前去了歐洲多國遊，她笑言今次「小出血」：「我平時係慳妹，今次買咗幾個名牌袋畀自己同媽咪。」她又透露在法國搭地鐵時遇上驚險事：「我畀人伸隻手入袋想偷嘢，好彩我好機警及時阻止咗。」