張兆輝小傷擋大災

張兆輝踢波時弄傷腳部，說可能久疏戰陣肌肉不適應，落地時失平衡，不過約莫兩星期就會好返，早前輝哥拍劇被流彈擊中耳仔，接連受傷，他笑言可能犯太歲：「不過掉轉頭諗都係好事，當擋咗大災。（太太心痛？）佢有叫我休息下，不過自己技癢又好耐冇見班明星足球隊員。」

獲發嫂安慰

提到早前他炮轟無綫拍劇要直踩30小時，受傷是否因缺少休息？輝哥澄清沒有炮轟無綫：「我係無綫訓練班出身，好明白拍劇一定辛苦，但如果編排方面做得好啲就可以避免，我之前喺街上遇到發嫂（周潤發太太），佢有安慰我話人紅先係咁。」完成此劇後他會拍戲，為拍《神》劇他已推掉一片，不過TVB有劇亦會再拍，做人不應忘本！

左起：陳煒、徐子珊、張兆輝及樂易玲齊齊舉杯。

岑麗香賣花讚花香，讚新劇好睇。

子珊遇地震

已休息一個月的徐子珊說想去台灣探望家姐：「台灣啱啱有地震，好彩佢哋冇事，姨甥女都有晒地震意識。我喺美國讀書時都遇過地震，不過我住地下冇事。」陳煒下月將陪老公到巴黎傾生意，她乘機旅行：「老公編排好晒行程，可能得兩日畀我大出血。（巴黎咁浪漫，會造人？）考慮吓，老公唔急。」

文：影視組