靚靚飛泰忘記帶護照

靚靚袁詠儀昨日在微博自爆去機場時才發現忘記帶護照，認真大頭蝦！靚靚在電話中受訪時說此行赴泰國拍戲：「老公（張智霖）車我去機場，去到先知自己咁大懵冇拎護照，臨急即刻叫司機極速返屋企幫我拎。我最多謝係機場地勤人員，佢哋親自帶我去登機閘口，唔使周圍搵，可以趕得切上機！」她又說因要拍戲，老公又要忙張國榮紀念音樂會，復活節假期也沒空陪兒子。