究竟跳水對整容是否有影響？整形外科專科醫生羅國庭表示隆胸比面部整容對跳水的風險較高，跳水時可能因過大的衝擊力以致胸部的假體爆破，他說：「隆胸手術分兩種，一種植入鹽水袋，另一種係矽膠，如果胸部隆得愈大，引致胸部嘅袋爆破機會愈大！如鹽水袋爆咗，流出嚟嘅鹽水身體會吸收，唔會有生命危險。至於矽膠個袋穿咗，咁就會麻煩啲，因為流出嚟嘅半固體好難清潔，會好似漿糊一樣，要做手術清理。」