趙希洛着制服最興奮
無綫小花趙希洛（Candice）早前憑劇集《心戰》飾演陳豪助手而為人熟悉，最近她在新劇中首次扮演女警角色，讓她雀躍不已，她說：「好開心喺《女警愛作戰》可以獲選成為七個女警之一，而最令我興奮嘅，係可以着女警制服，可惜我嘅角色要留守保安室，所以冇得揸槍！」
Candice又指現時與其餘六位女警包括呂慧儀、王君馨等都「Friend過夾band」，經常相約一起打邊爐，又喜歡請對方吃零食，故令眾人增磅不少，她說：「我試過焗曲奇餅畀佢哋食，佢哋又會同我分享蛋糕、朱古力，好似互相破壞緊大家嘅飲食習慣咁，搞到肥咗好多！」