羅天宇好心撻着郭少芸

港男出身的羅天宇(Joey)拍攝處境劇一段時間,問到他有否與同劇演員奉獻螢幕初吻,他說:「其實我一早奉獻咗螢幕初吻,係一個男人嚟,之前上節目《千奇百趣》,我玩遊戲輸咗,畀肥哥哥塗咗唇膏錫咗落個嘴度,真係太深刻!」

Joey入行至今桃花緣甚多,他曾先後跟蔣家旻、高海寧和郭少芸傳緋聞,問他會否擔心再傳緋聞,他說:「又唔係真係好驚嘅,不過我唔想觀眾覺得我花弗,因為我唔係,有乜理由郭少芸都可以傳緋聞先?之前拍完劇,我問佢哋邊個要跟我車出地鐵站,咁啱佢架車攞咗去整,點知就畀人影咗!」

場地:金喜餐廳