林熹瞳巨變樂做生招牌

藝人林熹瞳（Rachel）雖已升任製作公司總監，平日慣了以行政人員look開會。早前她以cutie造型拍攝宣傳照，效果依然亮眼，她說：「我自己都好enjoy用cutie look影宣傳相，平日見慣我嘅工作人員，見到我呢身咁young嘅打扮，都唔敢相信，因為平時我返製作公司好少會咁着，有工作人員仲問我嘅真實年齡究竟幾多歲！」Rachel直言非常滿意該輯相片，並謂自從將該照片換作微博新頭像之後，吸引不少公司主動邀合作，令她喜出望外。相中見Rachel表演一字馬，問她有否獲斟拍打戲？她說：「唔知呢！不過對我嚟講，一字馬唔係咁難，我16歲嗰時學過『氈子功』，學一字馬、翻觔斗，嗰時一做就做到，唔覺痛，亦都冇喊，可能當時筋骨柔軟啲，打好咗根基。」