Cecilia愛浪漫 期待童話婚禮

女子組合FFx成員Fion（劉寶文）、Cherry（嚴詠彤）與Cecilia（鄒莉盈）最近與「星二代」徐偉棟（阿棟）為婚展會擔任代言人，三女均穿上性感Low-cut婚紗，擁D Cup上圍的Cecilia更大晒3吋事業線，明顯略勝一籌，自稱拍拖多次的阿棟亦不禁「硬晒軚」。

仍然單身的三女大談擇偶條件，希望對象如阿棟般高大有型，問到何時結婚？Cecilia說：「細個幻想着婚紗行禮，廿歲左右就結婚，但依家都過咗啦！我希望有個童話式嘅婚禮，男友求婚時會有浪漫驚喜，最想佢喺一個意想不到嘅情況下，突然拎隻戒指出嚟，同我講好Sweet嘅嘢，我覺得一定會非常難忘！」

剛成年的Cherry希望在巴黎舉行婚禮。

曾在加拿大任Model的徐偉棟被三位性感「新娘」包圍，顯得有點緊張。

寸Naomi吹水

剛滿18歲的Cherry卻表示怕男友當眾求婚：「我鍾意低調啲，私底下食飯突然遞隻戒指過嚟就OK。我想去巴黎搞婚禮，邀請親友嚟，喺露天、好靚同好舒服嘅環境下舉行。（要嫁有錢人？）有冇錢唔緊要，最緊要錫我。」至於冰美人Fion則追求浪漫：「我鍾意啲好Grand、西式同簡約嘅婚禮，唔使太浮誇，求婚最緊要有蠟燭同花。」

提到Naomi曾表示要介紹黃榕給阿棟，阿棟則表示未有與對方聯絡：「Naomi講嘢你都信？黃榕唔係我個Type，我鍾意清純啲嘅！（揀圈中人？）唔抗拒同圈中人談戀愛，但都唔會刻意嘅。」

文：影視組