于仁泰爆吳尊被秋官搞痛「鳥」
于仁泰最近回歸華語片影壇執導電影《忠烈楊家將》，找來鄭伊健、林峯、周渝民（仔仔）、吳尊等靚仔演出，不諱言欲透過戲中互動帶出忠孝仁義信息，喚醒外間記起這中國美好的傳統。
談到選角方面，于仁泰表示拍攝前逐一會見型男，寡言的仔仔更獲他「厚待」，全片只有4句對白，于仁泰笑謂：「喺台北見仔仔時，全程佢只係講過3句說話，但呢個就係我想要嘅嘢，因為佢演狙擊手，要好冷靜同眼神好利，仔仔好有呢個感覺，我就叫佢做番自己可以。」伊健演繹的大哥角色則一波三折，曾一度要求他演反派，沒料當一切準備就緒，卻因種種問題令伊健再次演回大哥的角色。
于仁泰更爆吳尊「男人最痛」，他謂：「有啲戲係吳尊騎馬，後面就係鄭少秋，點知馬鞍前面有塊鐵，每次秋官一向前撞吳尊就會大叫，因為整到佢唔舒服（下體），後來劇組將馬鞍改一改，吳尊先拍得舒服。」問到有否見到林峯女友吳千語探班，他說：「邊個嚟？嗰時未呀！（潘霜霜呢？）冇，不過個個仔都好多粉絲，但佢哋埋位時都好專心。」