莊思敏護妹心切寸爆陳司翰
莊思敏胞妹莊思明早前被《好報》踢爆與陳慧琳胞弟陳司翰翻撻，據知男方不欲公開戀情，令二人關係膠着，難怪莊氏姐妹對陳司翰態度冷淡，莊思敏更不屑謂：「唔想提佢！」
早前《好報》獨家踢爆莊思敏胞妹莊思明跟陳慧琳胞弟陳司翰翻撻成功，不過報道刊登後，陳司翰仍不欲承認二人的情侶關係，令兩人再度萌芽的戀情又現暗湧。前晚莊氏三姊妹一同出席內衣騷活動，三人均會走秀，但就不會穿內衣，問莊思明其男友陳司翰可會來捧場？她即收起笑容說：「我好多朋友都會嚟，唔好見親我都問佢！」在旁的莊思敏護妹心切，寸爆說：「唔想提佢！（你好不滿佢？）唔關我事咪唔想提囉，我都想快啲提吓關我事嘅嘢，其實我要求唔係好高，但我身邊太多騎呢人，可能我太多嘢講，好容易『吸引』人。」
問到何以不穿內衣走秀？莊思敏笑說：「咁啱返風嘛，（幾錢先肯行？）睇心情啦，心動價，其實隆咗胸後都冇行過內衣騷，我就唔抗拒！」莊思明就謂自己有點抗拒走內衣騷，因身材不夠好，但因怕痛不會效法姐姐隆胸。
陳庭欣咀嘴呵番
跟莊思明同屆的港姐冠軍陳庭欣甫到場即與對方咀嘴，狀甚老友！她透露近日忙於拍劇，6月便會到法國工作，提到法國多型男？她笑說：「公司都有個有法國血統嘅黃長興，我會以佢嘅外形做目標，喺嗰邊搵吓對象，我唔介意同外國人拍拖！」此外，莊思敏昨日現身另一活動，穿上低胸裙的她，在閃光燈下透出誘人T-back，十分性感。
文：名人組