娜姐食詐胡 打師妹出氣

周秀娜甩拖後不乏異性緣，昨日被《好報》踢爆與四眼男於中環開餐，但她昨日指二人「冇可能」：「嗰個係髮型師助手，我平常好多人約食飯，會嚇怕好多男性朋友。」對於舊愛還戴着定情頸鏈，她冷淡地說：「唔好咁敏感，買咗就要戴。」

娜姐昨繼續為卓韻芝及監製黃永峰的新片《爆3俏嬌娃》於土瓜灣牛棚開工，拍攝單挑兩位師妹盧頌之和余曉彤的戲份。雖然娜姐使出鎖手、箍頸、掃腿等招式成功降服兩位師妹，惟試位時不慎踢到旁邊鐵架，痛到即時蹲低兼面容扭曲。而早前被指暴瘦上圍縮水的她，昨日換上運動tube top及熱褲，big爆上圍重現。

卓韻芝（中）獲送蛋糕，恍如迷你生日會。

娜姐被《好報》拍得拖四眼男開餐。

至於拍打戲致小腿現大塊紫綠色瘀痕的她，笑言自己是「鋼條腳」，問到身邊的異性朋友有否心痛？她笑說：「見劇組嘅男士冇對我心痛喎，不過如果我延誤進度，佢哋就真係心痛。」

娜姐舊愛Avis被拍得還戴着定情頸鏈。

娜姐拳拳到肉，與師妹扭作一團。

卓韻芝生日反送驚喜

適逢昨日卓韻芝生日，眾人拿出蛋糕送上驚喜，開心high爆的卓韻芝反向娜姐送上一條「阿婆睡褲」，卓韻芝說：「我送咗一條我阿婆畀我價值12蚊嘅睡褲畀佢拍呢場戲，希望佢體味唔好太強啦！」換上「阿婆睡褲」拍攝的娜姐則說：「真係一試傾心，會叫佢送多幾條。」

文：專案組