吳鎮宇打擊囝囝自信
吳鎮宇、廖啟智及導演王家衛等出席電影《逆光飛翔》慈善首映禮，智叔坦言以前是一位十分傳統的父親：「因為覺得有父權，好威，要個仔跟從指令。（佢反抗？）令佢難受囉，不過我都唔算勁，我平時忍十次先會爆一次。（打仔？）冇打佢，會打牆同打嘢，不過咁係唔健康。」
鎮宇則表示：「我係一個專門打擊囝囝嘅爸爸，好似佢去遊樂場有咩問題，我唔會幫佢，要佢自己解決，等佢習慣吓獨立，事後先同佢傾番件事。（囝囝恰人多？）佢畀人蝦多，不過呢個世界點都會畀人蝦。」提到近日弒父母倫常慘案，鎮宇稱：「唔可能因為一、兩單例子而要父母順從啲仔女。」