39歲蔡少芬收爐：張家唔需要追仔
蔡少芬（Ada）於本月25日剖腹誕下次女張信兒，昨日精神奕奕的她，在老公張晉陪同下帶埋B女出院。生了兩胎的Ada宣布封肚收爐：「張家唔需要追仔。」
現年39歲的Ada，於本月25日剖腹誕下次女張信兒，為大女楚兒添妹妹。昨日她產後出院，老公張晉一早到達醫院，並於12時15分率先步出，他先將載有愛女信兒的嬰兒籃安放到車上，再折返入內陪Ada離開。產後的Ada精神不俗，二人先向傳媒大派兔仔形的朱古力復活蛋報喜，禮品包上印有愛女的名字、出生日期和「8LB12OZ」，代表女兒重8磅12安士。
大女呷妹妹醋
兩夫妻恩愛攬腰受訪，Ada表示很興奮：「因為見到咁靚嘅product（製成品）。」問覺得BB像誰？二人異口同聲說：「張楚兒！信兒出嚟嗰時都嚇親，因為同家姐餅印一樣，連醫生都話似。」她坦言上次生楚兒經歷了12小時催生，今次剖腹就快得多：「我10點30分入產房，10點52分就生完，只係生咗22分鐘。生嗰陣老公一路影相，BB名都係老公改嘅，意思係『對上帝有信心，神嘅兒女。』（係咪收爐？）收爐喇！唔玩喇！張家唔需要追仔。」
問張晉是否一門三美就足夠？他笑說：「呢啲嘢一個人做唔到，同埋佢佗時我都辛苦啦！佢生咗兩個都攰，我見佢長時間大肚都頂唔順，有時佢起身都郁唔到。」再問如何獎勵太太？Ada即搶答：「當佢係奴隸獸，要繼續服侍我！佢都好幸福啦，有大婆、二奶同三奶。楚兒對妹妹好細心，只係畀媽咪爹哋抱BB，連姨姨想抱都要打手板。」至於楚兒會否呷妹妹醋？張晉說：「一定會，要諗辦法處理呢個問題。大女唔肯瞓，成日問妹妹幾時返屋企。」
與章子怡有緣
提到章子怡到醫院探望B女，Ada笑言與子怡十分有緣：「我打電話同佢報喜，咁啱佢就喺香港，佢嚟探完之後就即刻要趕飛機。（送咗咩？）花。」對於歐陽震華指Ada好生養而封她做「盆骨王」，Ada笑着說：「多謝。」
另外，Ada好友洪欣前晚亦有到醫院探望，洪欣在微博上載抱着信兒的照片並寫道：「第一胎我錯過了，第二胎總算來及。」並希望宣布封肚的Ada繼續生。
文：影視組