張學友：佢喺我心度
哥哥離世十年，一班圈中好友卻覺得哥哥永遠活在心中。多年來不願多談哥哥的張學友，對好友逝世十年覺得像是很近的事：「理性地，我知道佢走咗好耐，但實際上又好似好新咁，佢喺我個心度。當年佢有事（患抑鬱），我哋成日去探望，有時我會自問：若果陪佢耐啲，會唔會好啲？」沒有了哥哥樂壇失色不少！
哥哥生前痛錫後輩，張栢芝是其中一人，她有番心底話對哥哥說：「哥哥，我好好，你唔使擔心我，依家我有兩個好可愛、好健康嘅小朋友，活得好開心，你在甚麼地方都好，都會活在我心入面。」
多年來劉嘉玲都透過微博懷念哥哥，去年一句「天國再見」道出渴望再見好友的心聲，嘉玲對哥哥的思念之情，昨日以短訊方式回覆：「其實哥哥一直喺我心中，不曾離開過，佢應該去咗一個好美麗嘅地方，生活得好快樂、自在，總有一日我同佢會再見面。好幸運喺我人生嘅旅程中有機緣同佢咁近距離接觸，喺佢身上我學到好多，好多……對我受用不淺。」偉仔更直言十年裏常夢會哥哥，很掛念他。跟哥哥合作良多的許冠傑（Sam），對哥哥離世十年感觸又掛念，稍後Sam在澳門開演唱會已預留一part懷緬張國榮及許冠英。至於歌手王傑亦在微博緬懷哥哥一番。
