薛凱琪食水尾 共享大同
薛凱琪（Fiona）與方大同老友鬼鬼，二人的緋聞亦傳個不停，但方大同新開的studio，首位錄音的女歌手卻是官恩娜（Ella），對於被Ella飲了頭啖湯，Fiona前晚與Ella同場出席活動時，大方戲言要「共享大同」！
歌手薛凱琪（Fiona）、官恩娜（Ella）、名模蔣怡（CoCo）與老公翁狄森、周汶錡、Amanda S.、賭王千金何超盈好友曾昭怡等，前晚齊齊現身Sergio Rossi旗艦店開幕酒會。Fiona透露將推出國語及廣東大碟，大讚新公司對她很好，但以前的公司亦對她不薄：「有因素變先會轉換環境，唔會比較兩間公司。」問新公司投放大量資源在她身上，是否認定她是一姐？Fiona就希望大家叫她做薛凱琪妹妹。
做破冰騷好緊張
此外，對於Ella日前飲了頭啖湯到方大同的studio錄歌，Fiona笑言不知道studio都有分頭啖湯：「呢個比喻冇聽過，幾新鮮。（同Ella爭？）唔係爭，係share。（大同係你嘅？）唔係，大家共享方大同……嘅studio。」而Ella就笑指Fiona與方大同並沒有承認拍拖，當日自稱怕成為二人的小三，只是開玩笑而已，但能夠成為方大同studio的首位顧客感到很榮幸：「見到方大同真正老婆，就係廿幾支結他。」問稍後可會現身TVB？她表示安排中：「四月個大騷係破冰騷，好緊張！」
蔣怡拍大肚寫真
同場身懷六個月身孕的CoCo穿上四吋半高跟鞋到場，她笑言有老公在身邊所以不怕，並透露上圍升了一cup，現在感受到大肚婆的好處：「之前係小小女王，依家就光明正大做女王。」問翁狄森可有擔心老婆？他笑說：「頭先抱住佢嚟，着高跟鞋係女人天性，我鍾意大肚婆着得咁sexy，依家佢圓潤好多，女人圓潤好好睇。」CoCo又透露將於懷孕八個月時拍攝大肚裸照，屆時可能會兩公婆一齊上陣。而曾昭怡透露剛度過生日，由於現忙於律師行工作，笑言已收山，沒有出來蒲；問好友超盈可有跟她慶祝？她謂：「佢身體唔舒服嘛，希望佢早日康復！」
文：名人組