王璐瑤酒店撞邪聲作怪

o靚模王璐瑤（LuLu）最近到馬來西亞工作時於酒店撞邪，她憶述當日情況仍猶有餘悸，她說：「嗰晚我同一個女仔同房，突然聽到有人摷嘢聲及好嘈嘅嘭嘭聲，我哋一聽就知有啲嘢，兩個女仔驚到匿喺床上！第二朝同其他工作人員講番，才知原來導演及女副導都撞邪，佢哋話嗰晚導演喺房失控係咁笑，笑到流晒眼淚都停唔到，直至工作人員不停打佢同用熱水淋佢先唔笑。而女副導就見到浴室嘅玻璃上面有啲字，估計係馬拉文！」LuLu又表示不清楚酒店前身是甚麼地方，但她表示經此一役，會買護身符傍身。