胡鴻鈞表心迹恨收Heidi禮

胡鴻鈞（Hubert）出道即與張敬軒傳斷背，令其性向成疑，不過早前本報踢爆他狂追組合Super Girls成員Heidi，Hubert昨日23歲生日，日前歌迷為他舉行生日派對，吸引過百歌迷到場，同是「巨聲幫」的馮允謙及吳業坤（坤哥）手持鮮花、蛋糕神秘出現，坤哥更抵死跪地送花，引得全場捧腹大笑。

表現避忌

問到緋聞女友Heidi有否相約慶祝？Hubert說：「冇喎！（禮物？）冇呀！」問到是否恨收對方禮物？Hubert先以「任何人送都會收」避談，記者再三追問下他終爆響口：「都想收！總之個個送畀我都想收。」

吳業坤（左）跟馮允謙為胡鴻鈞送上驚喜。	過百歌迷為Hubert搞生日P，令他十分感動。	Heidi

提到Heidi的名字，Hubert表現得極不自然兼避忌，但話題一轉到軒仔時，Hubert卻滔滔不絕。他表示軒仔忙於舞台劇演出，連日來都沒有聯絡，即被取笑「冇你心」，Hubert維護對方說：「唔好咁講，佢性格係一做嘢乜都唔理。」對於生日願望，Hubert希望所有人都身體健康。

文：音樂組