苟芸慧撐熊黛林護城
苟芸慧、樊少皇、白健恩和陳爽等前晚到尖沙咀出席電影《義勇群英：毒蛇反擊戰3D》首映，苟芸慧近期與郭富城傳緋聞，惹來熊黛林高調宣示正印地位，對此苟芸慧說：「呢排忙，冇機會留意，唔想再回應。（同城城保持距離？）過去就由得佢過去，有時聽唔明就盡量唔好講，怕講多錯多。（熊黛林緊張同城城關係？）唔清楚佢哋關係，（熊黛林同城城喺演唱會握手喎。）知，我比較怕醜，冇咁主動，講嘢又唔叻，只識表現真實一面。」
樊少皇前晚單拖現身，但大會通告指樊少皇女友賈曉晨（JJ）也獲邀請，問樊少皇JJ是否避傳媒？他說：「唔係，佢一陣先嚟。」問他何時求婚？他說：「冇咁快，佢叫我唔好咁快求婚，大家以事業為先。」最近否認作不道德交易的白健恩指心情已好轉，亦沒因事件失掉工作，日後也不介意演同性戀角色。
