林德信唔認女友 松岡滴汗
近日再被拍得攬錫日模松岡李那的林德信（Alex），昨出席鞋履活動時被追問緋聞，他強調：「我哋冇Kiss，係角度問題，大家係朋友，不過佢個人好好又sweet，成日都好開心，（佢咁好追佢囉？）我比較被動又怕醜，唔係好識追女仔。（之前係啲女仔追你？）緋聞啫，如果搵到個啱嘅都唔介意公開！」他慨嘆拍拖以來多由女方提分手，又稱因不想被偷拍，才叫朋友上他家。
至於松岡前晚則現身尖沙咀出席首映，被追問是否與Alex拍拖及在夜店咀嘴一事，她連聲否認，但回答期間緊張得粉頸冒汗。另外，林德信的前緋聞女友吳雨霏前晚被問到「松林戀」時表示不知情：「我哋從來冇傾感情事，如果係真，咁佢哋都係靚仔靚女好襯呀。」
