藝人王賢誌（Vinci）和陳嘉桓昨日出席《當糖輕‧當糖瘦復活節送大禮》代言人活動，日前Vinci在電台節目中默認自己同性戀，但其後又否認有男朋友，而早前有報道拍得Vinci跟男友撐枱腳，問他與相中男子甚麼關係？他說：「無論咩關係，都係食餐飯。（即係咩關係？）全部都係朋友。（公開咗就唔會牽連其他人！）唔需要因為咁而拎一個人出嚟。（你鍾意男定女？）到呢個年代唔使再喺呢個地方上兜圈，亦唔需要問係定唔係。（有人會中途改變性向。）我由頭到尾都冇轉過，我對我最愛嘅嘢係冇變過。」
