G.E.M.拒林宥嘉苛索默認處女

鄧紫棋（G.E.M.）將於下月舉行一連5場演唱會，她昨日穿上圓領T恤為個唱中的戰車「沖涼」及「扮靚」，當烏低身時她露出深長「大峽谷」，得悉被傳媒拍下照片的G.E.M.即大叫救命，場面搞笑，她說：「有着打底衫o架，冇咩睇啦，因為瘦咗3公斤。（上圍縮水？）唔多唔少都會跌Cup。」問到男友林宥嘉有否替她心痛？G.E.M.邊笑邊說：「救命呀！唔好再問佢啦！」

支持婚後「拆禮物」

對於「高主教」高皓正發表的10個「不婚前性行為」的理由，身為基督徒的G.E.M.說：「一向支持婚後先『拆禮物』，咁樣會開心啲。（咁你有冇試過？）又講呢樣？一陣又畀網民話我拋隻豬（即處女）出嚟。（仲係豬？）唔好再講喇，總之我支持結完婚先拆禮物。」問到男友林宥嘉是否把持得住？G.E.M.說：「我點知？關我咩事。（會拒絕？）會，成日拒絕。」言下之意踢爆對方不時想嘗禁果！

放大圖片	G.E.M.昨為個唱中的戰車「沖涼」及「扮靚」。	好難忍呀！ 林宥嘉被G.E.M.爆不時想嘗禁果。（資料圖片）

談到個唱，G.E.M.透露邀得林宥嘉睇騷，奈何對方一直未答應睇邊場，即被取笑「大支嘢」（即囂張），G.E.M.誤解是三級笑話而哈哈大笑，再叫救命，並說：「佢貴人善忘（事忙）嘛！」還表示男友會大方坐在台下支持。

採訪：音樂組