高海寧勁減磅水着抓銀
藝員高海寧、朱千雪、張嘉兒、黎芷珊昨日在將軍澳電視城錄影節目《演嘢》，講到有甚麼「絕技」可以用來演嘢，高海寧笑言入行除了練成搭車時化妝外，着慣高踭鞋的她笑謂功力可以去到着住高踭鞋來跑步、追巴士。近期瘦了五磅的高海寧希望再減八磅迎接夏天泳衣騷，她說：「已經有人問做唔做泳衣騷，睇吓到時fit唔fit，依家pat pat同大髀仲係重災區要再減。」朱千雪亦表示不介意以泳裝出騷，但因有港姐合約在身，今個夏天不能成事。
商天娥對於節目被批沉悶，她說：「大家唔好雞蛋裏挑骨頭，應該多啲支持，鼓勵吓啲後生仔去學習一門手藝。」張繼聰則說有投訴即係證明有人睇，節目要有適應期。