阿Sa為練亡命跳損失620萬
有畏高症的蔡卓妍（Sa）為克服心理障礙，經過內心掙扎，決定鼓起勇氣參加下月初浙江衞視製作的明星跳水真人騷《中國星跳躍》，正積極備戰跟隨跳水教練田亮練跳，據知人氣高企的阿Sa今次「亡命一跳」身價高達二百萬人民幣（約250萬港元），阿Sa經理人霍汶希（Mani）說：「梗係冇咁多，幾多錢就唔講。」她強調阿Sa今次拚命跳水，主要為慈善，其次面對人生最恐懼的畏高症，她好希望能自我挑戰克服成功。
Mani透露田亮覺得阿Sa仍未達到水準要求，所以阿Sa已推掉一個廣告及兩個商演，估計損失五百萬元人民幣（約620萬港元），寧願加添五日接受訓練，Mani說：「佢對晉級嘅信心都唔大，但佢會盡力去做，唔想畀壓力自己，佢好感激國家團隊嘅悉心教導，反而對自己添好多麻煩感到唔好意思。」
此外，由模特兒轉做主持的楊崢在電台節目透露也獲另一個跳水節目《星跳水立方》邀請參賽，她更爆大會要求參賽女藝人不得整過容，因為擔心有僭建物跳水時有衝擊，造成生命危險，她說：「聽聞張栢芝有份參加，但佢仲未簽約。」她又讚阿Sa參加得證明自己是真材實料無添加。