羅嘉良陪Shopping 蘇岩扮怕醜

繼蔡少芬之後，羅嘉良第二任太太蘇岩亦將於下月產女，嘉良全面停工陪老婆待產。前日下午4時許嘉良無懼橫風橫雨，拖實巨肚蘇岩於中環行街，專攻嬰兒用品和家品。當嘉良發現記者，即時通知老婆，兩人笑作一團，蘇岩搞笑地扮怕醜，一時伏在嘉良心口詐嬌，一時以頸巾遮面。
羅嘉良發現記者蹤影，即向老婆稟告。
羅嘉良發現記者蹤影，即向老婆稟告。

雖然腹大便便，蘇岩不減貪靚本色，一度拉老公陪她往試高跟鞋，其後兩人再往嬰兒用品店，細心地揀BB衫、床仔和玩具，連BB香水亦揀埋。其後記者上前問到嘉良有否傾回巢？他說：「有呀！不過六月底個期唔啱，要就太太生BB，太太一有咗已經停咗工，停咗8個月，之前最後工作喺大陸拍微電影，仲攞埋獎添。」至於老拍檔蔡少芬再添女兒，嘉良在電話中說：「恭喜佢，佢兩個女都好旺，老公接咗套好戲，老婆套電視劇又大收，恭喜佢哋之餘仲要祝佢哋繼續努力，愈生愈旺。」

大肚的蘇岩拉起頸巾遮面，扮作害羞的樣子。
  • 大肚的蘇岩拉起頸巾遮面，扮作害羞的樣子。
嘉良夫婦仔細研究ＢＢ床的功能。
  • 嘉良夫婦仔細研究ＢＢ床的功能。