任達華與名模太太琦琦一向積極行善，夫婦二人更將善心遺傳給女女任晴佳，讓女兒從小學懂知足常樂！華仔日前擔任「小母牛學界活動之星2012-13」，琦琦身體力行支持，而囡囡亦有參與機構內的「童愛悅讀日」，琦琦說：「我覺得活動好有意義，因為睇一本書就會捐錢出嚟，我成日同個女講依家努力就係將來嘅幸運，我畀個女了解呢個世界，吸收唔同文化，從而去幫人，幫到人係自己福氣，幸運唔係必然！」
琦琦又謂女兒很乖巧，會將利是錢捐作善事，她笑說：「我個女覺得自己好有錢o架！其實小朋友讀書叻唔重要，人格先最重要，所以我自小就教佢做一個正面同有價值觀嘅人！」問到教女是否獎罰分明？她續說：「我冇罰過佢，但亦唔會寵佢，反而華仔就係yes daddy，個女話乜佢都話ok！」琦琦又透露復活節將會偕女兒到歐洲遊玩，笑言自己過的是學生生活，女兒放假她也一起放假。