王賢誌「好友」曝光
前日王賢誌（Vinci）在電台訪問中暗認同志身份，昨日Vinci出席活動時，被問到是否出櫃？他依然採取默認態度：「我一路都冇用衣櫃，我字典裏面無衣櫃，不過今日個報道好正面。（你係咪默認自己係同志？）個報道好正面。」
問到家人是否知情時，他稱一家人很團結，認識他的人都支持他。他指並非受黃耀明及何韻詩影響，才在電台大談另一半，他說：「唔想牽涉其他人，其實我上呢個網上電台做訪問，我無諗住話畀人聽，亦無諗住有人聽到，我唔係想公開。（同伴侶有共識要公開？）唔算公開，諗住無人知。（你會唔會帶男友出席公開場合？）我無承認過有個男朋友，我淨係會同close friend去，希望大家唔好騷擾佢，佢唔係做幕前嘅朋友。」言談間Vinci對另一半表現着緊。問到是否有意結婚？他坦承是朝這個目標而拍拖，但暫時未有結婚時間表。其實Vinci經常與另一半結伴出席公開場合，表現大方甜蜜。